पश्चिम महाराष्ट्र

Coronavirus Pune Updates: ‘या’ ७ हॉस्पिटल्समध्ये होणार फक्त करोना रुग्णांवर उपचार – coronavirus pune updates seven hospitals reserves for covid 19 cases

म. टा. प्रतिनिधी, पुणे: शहरातील ५२ रुग्णालयांपैकी सात रुग्णालये ही करोनाबाधित रुग्णांवर उपचार करण्यासाठी शंभर टक्के राखीव करण्यात आली आहेत. पुणे महापालिकेने याबाबत संबंधित रुग्णालयांना नोटिसा पाठविल्या असून, २५ ऑगस्टपासून संबंधित रुग्णालये ही केवळ करोनाबाधित रुग्णांवर उपचार करणार आहेत.

शहरातील सर्वच रुग्णालयांमध्ये करोनाबाधित रुग्णांवर उपचार करण्यात येत आहेत. त्यामुळे बिगर करोनाबाधित रुग्णांवर उपचार करण्यात अडचण निर्माण झाली आहे. त्यामुळे सात रुग्णालये ही करोनाबाधित रुग्णांवर उपचार करण्यासाठी शंभर टक्के राखीव करण्यात आली आहेत. त्यामुळे बिगर करोनाबाधित रुग्णांवर अन्य रुग्णालयांमध्ये उपचाराची व्यवस्था होऊ शकणार असल्याचे विभागीय आयुक्त सौरभ राव यांनी सांगितले.

राव म्हणाले, ‘महापालिका प्रशासनाने हा निर्णय घेतला आहे. त्यानुसार संबंधित रुग्णालयांना नोटिसा पाठवण्यात आल्या आहेत. येत्या २५ ऑगस्टपासून या रुग्णालयांमध्ये केवळ करोनाबाधित रुग्णांवर उपचार होणार आहेत’

‘पूना हॉस्पिटल, कोथरुड येथील देवयानी हॉस्पिटल, इनलॅक्स बुधरानी हॉस्पिटल, पुणे स्टेशन आणि वानवडीतील रुबी हॉल क्लिनिक, केईएम हॉस्पिटल आणि जहांगीर हॉस्पिटल या सात रुग्णालयांचा समावेश आहे’ असे राव यांनी स्पष्ट केले.

‘पूना हॉस्पिटलमध्ये १७० खाटा, देवयानी हॉस्पिटलमध्ये ८० खाटा, इनलॅक्स बुधरानी हॉस्पिटल येथे २१० खाटा, पुणे स्टेशन येथील रुबी हॉल क्लिनिकमध्ये २८७ आणि वानवडीतील रुबी हॉल क्लिनिकमध्ये ३४ खाटा, केईएम हॉस्पिटलमध्ये १४० खाटा, जहांगीर हॉस्पिटलमध्ये १२० खाटा आहेत. या रुग्णालयांमध्ये महापालिकेकडून पाठविण्यात येणाऱ्या करोनाबाधित रुग्णांवर मोफत उपचार करणे बंधनकारक आहे. संबंधित रुग्णांना महात्मा फुले आरोग्य योजना आणि शहरी गरीब योजनेतून लाभ दिला जाणार आहे’ असे महापालिकेचे आयुक्त विक्रम कुमार यांनी सांगितले.

पुण्यात पुन्हा रुग्णसंख्येत वाढ; आज २३८८ नवे रुग्ण

गणेशोत्सव कसा साजरा करायचा? पुण्यातील मंडळांनी केली ही मागणी

‘ही रुग्णालये तीन महिन्यांसाठी राखीव करण्यात आली असून, स्वतंत्र समन्वय अधिकारी नेमण्यात आले आहेत. या रुग्णालयांमध्ये असलेल्या बिगर करोना रुग्णांना अन्य रुग्णालयांमध्ये हलविण्यात येणार आहे. तसेच या रुग्णालयांमध्ये बिगर करोना रुग्णांना नव्याने दाखल केले जाणार नाही’ असे विक्रम कुमार यांनी स्पष्ट केले.

Source link

Tags
Show More

Related Articles

Leave a Reply

Your email address will not be published. Required fields are marked *

Back to top button
Close
Close