पश्चिम महाराष्ट्र

पुणे पोलीस आयुक्तपदी अमिताभ गुप्ता रुजू

ग्रामीण अधीक्षक अभिनव देशमुख यांनीही स्वीकारला पदभार

पुणे – पुणे पोलीस आयुक्त पदाची सूत्र अभिताभ गुप्ता आणि पुणे ग्रामीण अधीक्षक पदाची सूत्र अभिनव देशमुख यांनी रविवारी स्वीकारली. विशेष म्हणजे गृहमंत्री अनिल देशमुख यांचा रविवारी पुणे दौरा होता. या पार्श्वभूमीवर दोघांनीही आपला पदभार स्वीकारला.

 

मावळते पोलीस आयुक्त डॉ. के. वेंकटेशम यांची बदली झाली असून, त्यांच्या जागी अमिताभ गुप्ता यांची नियुक्ती करण्यात आली आहे. गुप्ता हे गृह विभागाचे प्रधान सचिव (विशेष) म्हणून कार्यरत होते. गुरुवारी रात्री उशिरा गृह विभागाने राज्यातील अनेक वरिष्ठ पोलिस अधिकाऱ्यांच्या बदलीचे आदेश काढले. डॉ. वेंकटेशम यांची बदली अपर पोलीस महासंचालक (विशेष अभियान) या पदावर करण्यात आली आहे.

 

याबरोबरच पुणे ग्रामीण पोलीस अधीक्षकपदी अभिनव देशमुख यांची बदली करण्यात आली आहे. कोल्हापूर जिल्ह्यात मागील दोन वर्षांच्या काळात अधीक्षक असताना, “माझ्या हद्दीत जर कोणी काहीही आगाऊपणा केला, तर त्याचं तंगडे मोडले शिवाय राहणार नाही,’ असे जाहीरपणे अवैध धंदेवाले व त्यांच्या बगलबच्च्यांना ठणकावले होते.

 

त्यानंतर त्यांनी कोल्हापुरात विविध अवैध धंद्यांना लगाम घातला. कोल्हापूर आणि गडचिरोली पोलीस अधीक्षकपदावर त्यांनी केलेल्या कामाची गृहमंत्रालयाने दखल घेतली होती. त्यांना नुकतेच आंतरिक सेवा सुरक्षा पदक देखील प्रदान केले आहे. गुन्हेगारांचा कर्दनकाळ, अशी ओळख असलेल्या देशमुख यांच्या कामाचा दरारा हा पोलीस कर्मचाऱ्यांपासून सर्वच स्तरातील नागरिकांमध्ये आहे.

Source link

Show More

Related Articles

Leave a Reply

Your email address will not be published. Required fields are marked *

Back to top button
Close
Close