पुण्यात लोखंडी फ्लेक्स कोसळला; दोन ठार, ६ जखमी

दत्ताञय फडतरे (पुणे ) – पुण्यातील आरटीओकडे जाणाऱ्या शाहीर अमर शेख या मुख्य चौकात लोखंडी फ्लेक्स कोसळून भीषण अपघात झाला. सिग्नलला थांबलेल्या वाहनांवर हा फ्लेक्स पडल्याने मोठ्या प्रमाणावर वाहनांचे नुकसान झाले आहे. तर अनेक चालकही यात जखमी झाले आहेत.
शुक्रवारी दुपारी पावणे दोन वाजण्याच्या सुमारास ही घटना घडली. दरम्यान यामुळे येथील वाहतूक पूर्णपणे विस्कळीत झाली आहे. वाहतुक उपायुक्त आणि स्थानिक पोलिसांनी घटनास्थळी धाव घेतली आहे. जखमींना रुग्णालयात दाखल करण्यात आले आहे.